موقع Prezi الشهير لتصميم العروض التقديمية يقدم لك حساب برو مجاني إذا كنت طالباً , تقدر تضبط فيه عروضك التقديمية بشكل احترافي وجميل جدًا
كتير سألوني عن البريزنتيشن .. ازاي بعملها بجودة عالية كدا بكل التنظيم والانيميشن اللى فيها ..
ومنهم اللى استغرب ليه حجمها كبير وبامتداد .exe
.
حجمها كبير بسبب الفيديوهات اللى فيها ..
بامتداد .exe علشان تشتغل مباشرة على اي كمبيوتر عليه ويندوز .. مش بالامتدادات العادية بتاعة الباور بوينت لإنها مش باور بوينت ..
.
طيب ازاي احترافية كدا ؟!
وانا بصمم محاضرة بحط في دماغي شوية عوامل منها الحركة الكتير .. مثلا لما شرحت خوارزمية مستخدمة في السيارات ذاتية القيادة مع متطوعين من الطلبة .. دي حركة بتجذب الانتباه وتفوق الطالب وبتثير جواه الفضول .. اما لانه مستني يعرف معلومة .. او مستني غدر مني واهاها على زمايله .. او مستني حد منهم يستظرف ويشوف رد فعلي .. المهم ان انتباهه بيكون مشدود جدا ودا المطلوب..
.
طيب في السلايدز اللى مفيهاش حركة جسدية ليا ؟! الانيميشن بتساعدني للفت الإنتباه .. مع شوية فواصل كوميدية .. حركات غير متوقعة .. الهدايا اللى بوزعها مثلا على اللى بيجاوبوا .. إلخ ..
.
باور بوينت اي كلام جدا في النقطة دي .. فبستخدم اداة تانية اسمها Prezi .. مشترك في باقى Prezi plus بتكلفة 144 دولار في السنة ..
.
لو انت مشترك فيها ممكن اعمل شير للبريزنتيشن بتاعتي عندك وتشوفها من غير تحميل .. لكن علشان تشتغل عند اي حد .. حتى لو مش مشترك .. وحتي لو مش متصل بالانترنت .. فالاشتراك بتاعي بيتيح ليا تحميل نسخة تشتغل اوفلاين منها .. وهي دي اللى امتدادها .exe ..
.
.
فيه باقات خاصة بالطلبة والأساتذة بتبدأ من 36 دولار سنويا .. حلوة اوي اوي للدكاترة .. بس انا مشتركتش فيها لاني بستخدم بريزي كتير في بريزنتيشنز خاصة بالشركة فبجنب نفسي الشبهة الشرعية ..
.
التعامل معاها سهل جدا .. ولو حاجة وقفت معاك ممكن تشوف شروحات يوتيوب سهلة اوي اوي متقلقش .. بس هتنقل شغلك حتة تانية ..